അട്ടെപ്പാഡില് നീരില്ലെ ജനഗാള് അങ്കലാപ്പ്‌ല്

അഗാളി : അട്ടെപ്പാഡില് നീരില്ലാദെ ജനഗാള് അങ്കലാപ്പ്‌ല് ഇര്‌ക്ക്ന്റാ്ര്. ബെക്കെ സൂഡ് ഗനക്ക ആനനാ്ലെ പയിദ് ജനഗാള് ബേലെ ബെ്ട്ടിഗേയ മൂഡ്യാദെ ബീ്ഡ്‌ല് താനെ ഇര്‌ക്ക്ന്റാ്ര്, ബെക്കെ മായ കമ്മിയാനത്തെ ബേലെ ബെ്ട്ടിഗാള്ക്ക് പോയാവു എന്റ്ജനഗാള് സൊന്നാ്രെന്റ. ഇത്തെതാനെ റാഡ് മാ്സ ബെക്കെ ബെ്ട്ട നാ്ലി നരാമ്പ് ബറ്റി സോലെഗാള് കരിന്തുണാങ്കി പോമ് എന്റ് ജനഗാള് സൊന്നാ്രെന്റ്. അദ്‌നാ്ലെ ജനഗാള് സൂസാ്രിത്ത് മാഡി ഇര്‌ക്കുഡൊ എന്റ് ദൊഡ്ഡ് ദൊഡ്ഡവാ്ര് സൊന്നാ്രെന്റ്. സന്തെ റാവെ സൊക്കന തിന്നുഡൊ,സൊക്കന നീര് കുഡിക്കുഡൊ അന്നാപ്പ്‌ത്തെ നലമായി ഇരിക്ക്യാവു എന്റ് ജനഗാള് സൊന്നാ്രെന്റ്.